Azərbaycanın dövlətçilik ənənələrinə sadiq, Vətənə və xalqa xidmət prinsiplərini həyat amalına çevirən, Birinci Qarabağ müharibəsinin iştirakçısı, uzun illər dövlət qulluğunda nümunəvi fəaliyyəti ilə seçilən İsmayılov Şirinbala Əyyub oğlu ad günü münasibətilə yüksək dəyər ifadə edən beynəlxalq sertifikatla təltif edilib.
1964-cü il iyunun 20-də anadan olan İsmayılov Şirinbala Əyyub oğlu ailəlidir və iki övlad atasıdır. Həyatının bütün mərhələlərində vətənpərvərlik, dürüstlük, peşəkarlıq və yüksək mənəvi dəyərləri rəhbər tutaraq cəmiyyətə faydalı fəaliyyət göstərmişdir.
Şirinbala İsmayılov Birinci Qarabağ müharibəsində iştirak edərək Azərbaycanın ərazi bütövlüyü uğrunda gedən döyüşlərdə Vətən qarşısındakı müqəddəs borcunu layiqincə yerinə yetirmişdir. Müharibə iştirakçısı kimi göstərdiyi şücaət və vətən sevgisi onun həyat yolunun ən şərəfli səhifələrindən biri hesab olunur.
Daha sonra uzun illər Azərbaycan Respublikasının Fövqəladə Hallar Nazirliyi sistemində məsul vəzifələrdə çalışan Şirinbala İsmayılov peşəkarlığı, intizamı və rəhbərlik bacarığı ilə seçilərək mayor hərbi rütbəsinə qədər yüksəlmişdir. Xidmət etdiyi dövrdə dövlətə və xalqa sədaqətlə xidmət etmiş, üzərinə düşən vəzifələri yüksək məsuliyyətlə yerinə yetirmişdir.
Hazırda isə təhlükəsizlik (SƏTƏM) sahəsində fəaliyyət göstərən Şirinbala İsmayılov öz zəngin təcrübəsini gənc nəslə ötürmək, əmək təhlükəsizliyi və sağlam iş mühitinin formalaşdırılması istiqamətində səmərəli fəaliyyətini davam etdirir.
Onun uzun illər ərzində dövlətə, cəmiyyətə və insanlara göstərdiyi xidmətlər beynəlxalq səviyyədə də yüksək qiymətləndirilmişdir. Bu münasibətlə BMT tərəfdaşı İnsan Hüquqlarının Müdafiəsi Komissarlığının media resursu olan “CİPDH-FD” Beynəlxalq İnformasiya Alyansı tərəfindən İsmayılov Şirinbala Əyyub oğluna ad günü münasibətilə xüsusi sertifikat təqdim edilmişdir.
Sertifikatda qeyd olunur:
“Azərbaycan dövlətinin və dövlətçiliyinin inkişafında göstərdiyi müstəsna xidmətlərini nəzərə alaraq ad günü münasibətilə sertifikat təqdim olunur.”
Bu təltif təkcə bir təbrik deyil, eyni zamanda Şirinbala İsmayılovun uzun illər ərzində Vətənə, dövlətçiliyə və cəmiyyətə göstərdiyi fədakar xidmətlərin beynəlxalq səviyyədə verilən yüksək qiymətidir.
İsmayılov Şirinbala Əyyub oğlunun həyat yolu gənc nəslə vətənpərvərlik, dövlətə sədaqət, vicdanlı xidmət və məsuliyyət nümunəsi kimi örnəkdir. Onun keçdiyi ömür yolu sübut edir ki, insanın ən böyük sərvəti Vətənə ləyaqətlə xidmət etmək, xalqın hörmətini qazanmaq və gələcək nəsillər üçün şərəfli irs qoymaqdır.
Bu əlamətdar gün münasibətilə İsmayılov Şirinbala Əyyub oğlunu ürəkdən təbrik edir, ona möhkəm cansağlığı, ailə səadəti, uzun ömür, yeni nailiyyətlər və gələcək fəaliyyətində davamlı uğurlar arzulayırıq.
Qoy onun zəngin həyat təcrübəsi, dövlətə sədaqəti və vətənpərvərlik ruhu gələcək nəsillər üçün daim örnək olsun.
Ad gününüz mübarək, hörmətli Şirinbala müəllim! Sizə möhkəm cansağlığı, firavan həyat, ailə xoşbəxtliyi və Azərbaycan dövlətçiliyinə xidmət yolunda yeni-yeni uğurlar arzulayırıq.
About the Author
